La “curiosa“ condanna di Occhiuto! A Cosenza, nun ci si crida

Dialogo tra due cosentini che pensano d’aver capito tutto della loro città.

Cusentinu 1
Hoi cumpà! Ancora cà stai cu stu cavudu ca nun se ne po’ cchiù’?

Cusentinu 2
Eccerto, adduva vai, tanto c’è cavudu pure a u polo nord e si vaio a u mare mi vruciu, si vai a Sila mi siccu. Ammeno cà a Cusenza trasi intru nu supermercato ca ci nni su a strafuttere, stà friscu, passi na poco di tiempo a dire quattru parole, come al solito.

Cusentinu 1
A saputa l’urtima ca si si dicia? Ca Mariuzzu Occhiuto potrebbe pigliare u posto du fratello come capo di senatori dei Forza Italia?

Cusentinu 2
Unnu sapia, ma dov’è la novità? A vistu c’hanno fattu cu a Santacchè? Hanno dittu ca la ministra n’ha fattu di cotte e di crude, ha pigliato in giro magistrati, dipendenti, cumpagni di bisboccie a u stabilimento ca tena con chiru – cumu si chiama? Briatore mi para – che tena nu stabilimento ca ti custa, si ci mangi pure mille euri e mienzu, u stipendio di nu prufessure di liceo. Pu diciano che a scola sta iennu a rotoli. E certo cù stipendi da fame si nun si Teresa di Carcutta alla fine un cia fa cchiù.

Cusentinu 1
Lassa perde a Santacchè e a bonanima di Teresa di Carcutta. Io dicia che n’hanno rutto e scatole dicienno peste e corna cuntro u sinnaco.
E, a parte a cundanna ca ha avuto au Tribunale di Cusenza – ca para nu miraculo di santa Teresa – sinni futtanu tutti e u nominano pure senatore.

Cusentinu 2
Ma u fannu picchì giustamente per dire ca unu è nu poco di buonu a vu aspettà a sentenza definitiva? Si chiama presunzione di innocenza.

Cusentinu 1
U saccio la storia ca si immaculatu fine a quannu non arriva a Cassazione. Ma a mia mi pare che sta cassazione nun tena fretta cu cchi tena santi in paradisu e invece si sbriga cu i poveri cristi.

Cusentinu 2
Ma Berlusconi però l’hannu condannato na vota e a Cassazione ha deciso a sentenza in piena estate.

Cusentinu 1
Mu ricuordu, ma di processi u cavaliere n’avia tanti ca ammeno pè a statistica na cundanna, ai servizi sociali cu i vecchiarilli, ci putia scappà.

Cusentinu 2
Vabbe lassamu perda a Mariuzzu ca nu ritruvamo sinnaco n’altra vota cu a grande Cusenza. E apposta Franz s’è ncazzatu cu Robertino ca ha misa a quarta per fare a città unica. Picchi penza che l’ha fattu per futtere iddru dopo ca Manna s’ è futtutu da sulu. Senta a mmia. Chini tena culu, cu rispettu parlannu, è spiertu, dicia in due minuti 10 parole e 22 fissarie, nel senso di bugie e quindi lassalu perda.

Cusentinu 1
E si pure Gratteri ca nu giudice serio, ca nun guarda in faccia a nessuno, unna ha mai dittu nente su Occhiuto e chissu vò dire che iddru è puru come nu gigliu. Pure cu a cundanna curiusa chel’hanno dato nentedimeno a u tribunale di Cusenza ca sinni sta sempre quietu, nun fa burdello come a Riggiu e Catanzaro.

Cusentinu 2
Allura u fattu ca Occhiuto è trasutu a Villa Rendano fa stà tranquillo u presidente Pellegrini, chè è culo e camisa cu Occhiuto, cu NIcasu chiro ca scriva libri cu Gratteri e immagino puru cu u superprocuratore. Cchi piccato ca sinni va a Napoli, picchì po’ essere che mannano a u posto suo nu quararaquà qualsiasi, uno ca si i fatti propri e a finiscia cu retate e maxiprocessi.

Cusentinu 1
Vu vidè ca u figlio dell’editore bonanima, a scuornu dell’atru Pellegrini di Roma eppure di Cusenza, campa tranquillo a Villa Rendano duve po fa i cazzi sua tantu si toccano a iddru mancanu di rispetto a Mariuzzu, forse chinni saccio a Nicaso e tutti l’amici loro.

Cusentinu 1 e 2
Ni dimandamo e dicimo: ma picchì l’atru Pellegrini ca tena a fissa della giustizia e della legalità nun sinni torna a Roma ca dicunu che è diventata invivibile ma almeno nun ti tirano a seggia da suttu u culu picchi li piace.